Washingtonê binpêkirinên li Sûriyê şermezar kir

Şandeyê Amerîkayê ya taybet bi Sûriyê James Jeffrey wiha got: "Rapor bi bîr dixe ku divê civaka navneteweyî li ser binpêkirinên domdar ên mafên mirovan, hesabê ji rejîma El-Esed bixwaze. Ji ber ku piraniya binpêkirin û destdirêjiyên li dijî gelê Sûriyê bi destê rejîma El-Esed pêk hatine."

Jeffrey bi daxuyaniyekê piştrast kir ku Amerîka binpêkirina mafên mirovan û qanûna navneteweyî ji aliyê kîjan komê ve dibe, şermezar dike û bang li aliyên aktîv li ser erdê dike ku li hemberî van kiryaran gavên erênî bavêje.

Jeffrey tekez kir ku êrişên rejîma El-Esed li dijî gel, çalakiyên binçavkirina komî, revandina jin, zilam û zarokan û bikaranîna çekên kîmyewî hişt ku valahiyeke derkeve û got:  “ Di encamê me de sûcên şer pêk hatin. Divê ji bo vegerandina aştî û îstiqrarê binpêkirin bi dawî bibin."

Hêjayî bibîrxistinê ye ku Komîteya Lêpirsînê ya girêdayî NY`yî têkildarî binpêkirinên aliyên şerê Sûriyê yên ji Çileya 2020`an heta Tîrmeha borî ve, raporek amade kiribû. Di raporê te sûcên şer ên dewleta Tirk û komên girêdayî wê yên bi navê "Artêşa Niştîmanî ya Sûriyê" li Efrîn û Serêkaniyê hatibûn belgekirin û wêneyên ku ji dûvelenkan hatine kişandin, hatibûn belavkirin.