Ciwanên şoreşger tecrîd şermezar kir û berxwedana Heftenînê silav kir

Bi sedan endamên Tevgera Ciwanên Şoreşger a Sûriyê ya navçeya Dirbêsiyê bi meşekê êrişên dewleta Tirk a dagirker ên li Başûrê Kurdistanê û tecrîda li dijî Rêber Abdullah Ocalan şermezar kirin.

Ciwanên şoreşger ji pêşiya navenda ciwanan dest bi meşê kirin. Ciwana alên Tevgera Ciwanên Şoreşger ên Sûriyê, wêneyên Rêber Apo, pankartên "Bijî berxwedana gelê şoreşger" û "Bi rihê berxwedana Heftenînê em ê bi serkevin"  hildan.

Meş li kanalên sereke yê sûkan navenda navçeyê geriya û li qada Şehîdan a li ser rêya Serêkaniyê sekinî.

Li vir deqeyeke rêz hate girtin. Endamên Tevgera Ciwanên Şoreşger a Sûriyê Ferhad Til Kerma got, tecrîda girankirî ya li dijî rêbertî gelê Kurd dike hedef.

Ferhad Til Kerma bang li ciwanan kir ku xwe birêxistin bikin û got: "HPG û ciwanên şoreşger hêviya gelên azad e."

Çalakî bi derzkirina diruşmeyên silavkirina Rêber Abdullah Ocalan û berxwedana Heftenînê bi dawî bû.

ANHA

<iframe width="560" height="315" src="https://www.youtube.com/embed/HZm-QTnKCow" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>