Şêniyên Kobanê şehîd Dozdar Hemo bi bîr anî

Tevgera Rizgariya Kurdistanê beriya çend rojan ragihand ku fermandar Dozdar Hemo di Mijdara 2019`an de di encama êrişeke hewayî ya artêşa Tirk de gihaşt asta şehadetê.

Şêniyên Kobanê, endamên saziyan û endamên rêveberiyên saziyan ji bo bîranîna şehîd Dozdar Hemo kom bûn. Şehîd Dozdar piştî şerê DAIŞ`ê yê li dijî Kobanê sala 2015`an û bajar ji çeteyan hate rizgakirin, beşdarî avakirina saziyan bûbû.

Serokê Meclisa Leşkerî ya Herêma Firatê Ismet Şêx Hesen di civînê de axivî û sersaxî ji malbata şehîd û gelê Kurd re xwest û got: "Şehadeta têkoşer Dozdar Hemo ji bo gelê Kurd, parçeyên Kurdistanê û hevrêyên wî yên li çiya windahiyeke mezin e."

Şehîd Dodar Hemo piştî bajarê Kobanê 2014`an ji çeteyên DAIŞ`ê rizgar bû, beşdarî avakirina bajêr bûbû.

Her wiha hevseroka Meclisa Qanûnsaz a Herêma Firatê Foziya Ebdî jî axivî û destnîşan kir ku tevî ku şehîd Dozdar demeke kurt li bajar ma, lê kar û xebateke giranbuha kir, ji ber vê divê Kobanê xwedî li mîraseya şehîd li pey xwe hiştiye derkevin.

Hevserokê Meclisa Qanûnsaz a Herêma Reqayê Xalid Berkel jî axivî û da zanîn ku heke ew bixwazin bi aştî bijîn divê her kes rêya şehîd Dozdar Hemo bişopîne, wekî wî tev bigerin û ji bîr nekin ku di rêya bicihkirina xewanên wan gihaşt asta şehadetê.

Şehîd Dozdar Hemo sala 1969`an li bajarê Efrînê ji dayîk bû û sala 1990`î tev li Tevgera Rizgariya Kurdistanê bûbû.

(eh)

ANHA