Yekitiya Jinên Azad li Şehbayê konferansê xwe yê sêyemîn lidar xistin

Konferans Ii hola Çand û Hûnerê ya navçeya Fafînê ya Şehbayê bi beşdariya 100 delegeyên yekitiyê û endamên saziyên jinan destpê kir.

Yekitiya Jinên Azad hola konferansê bi wêneyên şehîdên di pêvajoya Şoreşa Bakur û Rojhilatê Sûriyê de şehîd bûne, alên Yekitiya Jinên Azad ên li Şehbayê û pankartên bi nivîsên"Soz em ê rejîma Îmaraliyê hilweşînin û bi rêber Ocalan re azad bijîn" daliqandin.

Konferans bi deqak rêzgirtin li ser giyanê şehîdan destpê kir, paşê 3 kes ji bo birêvebirina konferansê hilbijartin. Piştre, Endama Desteya Rêveber a Partiya Yekitiya Demokratîk Hediya Yusif axivî û lidarxistina konferansê li rêber Abdullah Ocalan û tevhiya jinên li Şehbayê pîroz kir.

Paşê rapora salane ya kar û xebata Yekitiya Jinên Azad ên li Şehbayê hate xwendin û endama koodînasyona Yekitiya Jinên Azad a li Şehbayê ya li navçeya Ehresê Rehmê Elî şirove kir.

Girîngtirîn xebata ku yekitiyê pêk anîye, vekirina akademiya taybet bi Yekitiya Jinên Azad ên li Şehbayê, ji bo endaman 5 dewreyên perwerdeê hatin vekirin, 75 endam tev li yekitiyê bûne, ji jinên li Şehbayê 373 civîn lidar ketine.

Paşê beşdaran rewşa rêxistinî ya yekitiyê nîqaş kirin û konferans li pêşiya dezgehên çapemeniyê hate girtin.

Tê payîn ku konferans bi xwendina rêziknameya yekitiyê, guhartinên tê de çêbûne û rêveberiya yekitiyê ya nû hilbijartin dewam bike.

eh

ANHA