Dewreya Şehîd Geylan Tirbespiyê ya Erka Xweparastinê bi dawî bû

Bi beşdariya şervanên Erka Xweparastinê, QSD’ê, endamên saziyên sivîl û meclisên herêmî, Akademiya Şehîd Ehmed Elî dewreya xwe ya 5’emîn bi dawî kir.

Dewre 45 rojan dom kir. Şervanan di dewreyê de waneyên leşkerî û siyasî girtin. Her wiha li ser çawaniya bikaranîna çekên giran, navîn, hunerên şer li gel waneyên fikrî û siyasî dîtin.

Di merasîma bidawîkirinê de endama rêveber ya Nivîsgeha Parastinê ya Reqayê Rojhilat Reqa di destpêka axaftina xwe bidawîkirina dewreyê li şervanan pîroz kir û wiha got: "Ev çeka ku îro di destê me de ye, ji bo ku parastina xak û gel ji dijminan bikin. Divê bi bawerî û wefadarî bi kar bînin."

Piştre şervanan toraneke leşkerî li dar xist, dûvre şervanan sonda leşkerî xwar û soz da ku hemû destkeftiyên şehîdan biparêzin û li hember her dijmjinekî li dijî yekitiya gelên Bakur û Rojhilatê Sûriyê be, bisekinin. 

Şehîd Geylan Tirbespiyê yê ku dewre bi navê wî ye, li herêma Dêrazorê di şerê li dijî DAIŞ’ê de şehîd bûbû.

(sm)

ANHA