'Şoreşa 19'ê Tîrmehê bi keda şehîdan biser ket'

Bi sedan şêniyên bajarê Minbicê û gundewarên wê bi meşekê salvgera 8'an a Şoreşa 19'ê Tîrmehê pîroz kirin.

Meş ji çerxerêya Meyzan a rojavayê bajar ber bi qada Giştî ve destpê kir. Di meşê de pankartên " Ji 19'ê Tîrmehê em ê ronêsansekê li welatê xwe ava bikin..Em soza şehîdên xwe nû dikin ku em ê şopdarên xeta wan a pîroz bin" hatin vekirin. Meşvanan  diruşmeyên dilsoziya bi şehîdan re û silavkirina berxwedana gelên Bakur û Rojhilatê Sûriyê hatin berzkirin.

Meş li qada Giştî rawestiya. Piştî deqeyeke rêzgirtin hevseroka Meclisa Rêveber a Rêveberiya Sivîl a Demokratîk a Minbic û gundewarê wê Nezîfe Xelo axivî û got: "Şoreş li hemberî zulm, desthildarî û pişaftinê rabû.. Bi saya kedan şehîdan îradeya gelan a ji avakirina civakeke exlaqî, zane û pêşketî bi ser ket."

Cîgirê Serokê Partiya Pêşerojê ya Sûriyê –Şaxê Minbicê Îmad Mûsa salvgera Şoreşa 19'ê Tîrmehê li hemû pêkhateyên Sûriyê pîroz kir û got, şoreşê di qadên siyasî, leşkerî û mîsogerkirina jiyana hevbeş ji bo hemû pêkhateyên Sûriyê de serkeftinên mezin bi xwe re anîn.

Di dawiyê de diruşmeyên silavkirina Şoreşa 19'ê Tîrmehê hatin berzkirin.

ANHA