Li Minbicê der barê rewşa jinên ciwan de civîn

Meclisa Jinan a Ciwan a Minbicê der barê rewşa jinên ciwan de têkildarî sûcên ku ji aliyê dewleta Tirk ve li dijî jinan têne kirin, civînek li dar xist.

27 hezîran, 2020 12:54

MINBIC

Civîn li hola ciwanan hat lidarxistin. Bi dehan endamên Meclisa Jinan a Ciwan a Minbic û Gundewarên wê, her wiha bi dehan ciwanên bajêr tev li civînê bûn.

Di civînê de ji rêveberên Meclisa Jinan a Ciwanan a Bakur û Rojhilatê Sûriyê Cîhan Koçer der barê rewşa jinên ciwan ya demên dawîn de axivî. Cîhan Koçber behsa sûcên dewleta Tirk kir û wiha anî ziman: "Armanca dewleta Tirk îradeya jinên rêxistinkirî bişkîne. Ji ber wê jî sûcan li dijî wan pêk tîne û beriya çend rojan gundê Helinc ê Kobanê bi firokeya bêpîlot bombebaran kir."

Cîhan Koçber bal kişand ser sûcên dewleta Tirk li herêmên dagirkirî ji revandin, kuştin û guhertina demografiya herêmê.

Cîhan Koçber pişterast kir ku rêxistinkirina jinên ciwan yek ji armancên wan ên sereke ye û ji bo wê jî dê li hember dewleta Tirk û sûcên ku li dijî jinan pêk tîne, li ber xwe bidin.

Di dawiyê de Cîhan Koçer got ew ê kongreyekê li ser asta Bakur û Rojhilatê Sûriyê di demên pêş de lidar bixin.

(bx)

ANHA