Li pêşiya navenda hêzên Koalîsyona Navdewletî ya Hesekê protesto

Bi armanca şermezarkirina pêkanîna sûcên dewleta Tirk ên li dijî sivîlên li herêmên Bakur û Rojilatê Sûriyê ku di serî de jinan dikin hedef, Kongreya Star li pêşiya navenda Koalîsyona Navdewletî ya li bajarê Hesekê protesto kir.

Jinan gelek pankartên, alên Kongreya Star û wêneyên şehîdên gundê Helincê rakirin.

Li pêşiya navendê endamên Kongreya Star şandeyek ji 6 kesan ava kir da ku xwestekên wan bi cih bînin, çareseriyê ji sûcên dewleta Tirk  û hedefgirtina jinan re bibînin, muzakereyê pêşkêşî Koalîsyona Navdewletî kir.

Piştî muzakere pêşkêş kir, endama Kongreya Star a Kantona Hesekê Evîn Başo daxuyanî xwend û diyar kir ku rejîma Tirkiyê li dijî gelên serhildêr ên ku ji bo azadiya xwe û garantiya hebûna xwe li ber xwe didin, sûcekî li pey sûcekî pêk tîne, 23’yê Hezîrana 2020`an jî li dijî jinên sivîl Um Emîna Weysî û2  endamên Kongreya Star Zehra Berkel û Hebûn Mele Xelîl ên li  gundê Helincê yê bajarê Kobanê komkujî pêk anî. Zehra Berkel û Hebûn di qada parastina mafên jinan de çalakger bûn û armanca wan a sereke avakirina civaka azad û demokratîk bû ku tê de wekhevî û edalet peyda bibe.

Her wiha destnîşan kir ku kîjan projeya banga azadiya jinan bike û bigire ser xwe, hêzên destpot ji bo hebûna xwe wek gef dibînin. Rêveberiya li Bakur û Rojhilatê Sûriyê hatiye avakirin ev armanc girt ser xwe û berê û hîn jî ji aliyê dewleta Tirk û çeteyên wê ve rastî êrişên hovane tê û armanca wan ji vê yekê jî hedefgirtina jinên pêşeng e, mînaka wê jî sekretera giştî ya Partiya Sûriya Pêşerojê Hevrîn Xelef e ku dixwestin bi şehadeta wê karê rêxistinî yê jinan û vîna jinan bikin armanc.

Evîn Başo di dawiya daxuyaniyê de îşaret bi detayên şehadeta her 3 şehîdên ya li gundê Helincê yê Kobanê û hemû sûcên li dijî jinên Sûriyê kir, di dawiyê de bang li hemû jin û tevgerên mirovahiyê kir ku li dijî komkujiyên pêşeroja jinan dikin armanc, bisekinin.

(eh)

ANHA