Li Şedadê sûcên dewleta Tirk hatin şermezarkirin

Bi sedan şêniyên navçeya Şedadê tev li meşê bûn. Meş li ser banga meclisa navçeyê û saziyên sivîl, ji bo şermezarkirina sûcên dewleta Tirk ên li dijî herêmên Bakur û Rojhilatê Sûriyê û herêmên Başûrê Kurdistanê pêk tîne, hat lidarxistin.

Di meşê de dirûşmeyên şermezarkirina sûcên dewleta Tirk  û êrişên li ser herêmên Şengalê hatin berzkirin. Di meşê de wêneyên şahîdên gundê Helinc ê Kobanê, pankartên şermezakririna sûcên dewleta Tirk û bangên li civaka navneteweyî hatin hildan.

Meş li qada Çibisa veguherî mîtîngê. Di mîtîngê de ji rêveberên Kongreya Star a navçeya Şedadê Emîra El-Saad wiha axivî: "Em bang li azadîxwazên li cîhanê dikin ku li hember sûcên dewleta Tirk û çeteyên wê ji kuştin û revandina jinan, xirakirina herêmên Bakur û Rojhilatê Sûriyê û Şengal a Başûrê Kurdistanê bisekinin."

Emîra destnîşan kir ku êrişên dawîn ên li ser bajarê Kobanê ku di encamê de 3 jin şehîd bûn, tirsa dewleta Tirk û AKP`ê ji berxwedana jinên azad, diyar dike û wiha dawî li axaftina xwe anî: "Em bang li hemû jinên azadîxwaz ên cîhanê dikin ku destekê bidin jinên Bakur û Rojilatê Sûriyê û sînor ji sûcên dewleta Tirk re deynin."

Hevserokê Saziya Malbatên Şehîdan Salim El-Salim jî binpêkirin û sûcên dewleta Tirk ên li dijî sivîlan pêk tîne bêyî ku tu ferq û cudatiyê bixe navbera jin, zarok û kalepîran, şermezar kirin. Salim El-Salim got armana sûcên dewleta Tirk ku kêfxweşiya QSD`ê bi tunekirina DAIŞ`ê têk bibe.

Salim El-Salim tekez kir ku wekî ku çawa bi saya têkoşîna şervanan çeteyên DAIŞ`ê têk birin, ew ê dîsa bi ser bikevin.

Mîtîng bi dirûşmên silavkirina berxwedana gelên Bakur û Rojhilatê Sûriyê bi dawî bû.

(bx)

ANHA