Li Tebqayê sersaxî ji malbatên şehîdan re hate xwestin

Bi dehan şêniyên bajarê Tebqayê sersaxiya malbatên her du şehîdên bi navên Norjiyan û Ebod El-Idlibî yên ku di şerê li dijî dewleta Tirk a dagirker li herêmên Bakur û Rojhilatê Sûriyê şehîd bûbûn de, kir.

NÛÇE

30 gulan, 2020 11:48

TEBQA

Bi dehan şêniyên Tebqayê, endamên Rêveberiya Sivîl a Demokratîk, Mala Jinan, Meclisa Sivîl a Tebqayê û Hêzên Ewlehiya Hundirîn çûn mala her du şehîdên bi navên Abdurehman Qasim(Ebod El-Idlibî) ê şervanê Meclisa Leşkerî ya Tebqa û Ayet Bac (Norjiyan) a şervana YPJ’ê û sersaxiya malbatên wan kir.

Di merasîma sersaxiyê de hevserokê Meclisa Malbatên Şehîdan a Tebqayê Mûsa Osman wiha axivî: "Em di merheleyên pêş ên têkoşîn û berxwedanê de ne û bûn sembloa azadî û agirê şoreşê di singe serhildêran de, bi saya keda şehîdan em gihiştin vê astê û me ji tevahî cîhanê re hêza parastina xaka xwe sepand, her wiha parastina destkeftiyên şehîdan jî sepand."

Li aliyekî din jî Seroka Komîteya Jinan a Rêveberiya Sivîl Wela Nacî jî wiha axivî: "Wek jinên Tebqayê ji me re serbilindiyeke mezin e ku şehîda yekemîn Norjiyan di axa pîroz de veşêrin. Şehîd Norjiyan ji tevahî jinan re sepand ku jin pêşenga şoreş û têkoşînê ye."

Merasîm bi dirûşmeyên dilsoziya bi şehîdan re û silavkirina têkoşîna gelan û sekna li hember dewleta Tirk a dagirker bi dawî bû.

ANHA