Li Qamişlo xebatên sererastkirina xetên kanalîzasyonê didome

Şaredariya Gel a bajarê Qamişlo sererastkirin û guhertina xetên kanalîzasyonê yên bajarê Qamişlo didomîne.

19 gulan, 2020 13:29

QAMIŞLO

Şaredariya Gel a bajarê Qamişlo projeyên xwe yên nîva yekemîn a sala 2020`an de, berdewam dike. Ji wan paqijkirina çemê Ceqceqê, sererastkirina kanalîzasyonên kevn û rakirina çopê ji Navkurê da ku ew der bikin daristan.

Şaredariya Gel dest bi sererastkirin û guhertina xetên kanalîzasyonê yên xeta Hîzam a bakurê bajarê Qamişlo kir. Xetên kanalîzasyonê yên vê derê rizî û ketibûn, di encamê dê av kom dibû û bêhna nexweş derdixist.

Dirêjahiya vê projeyê 80 m, kurahiya wê jî 3.5 û dê boriyên bi ferahiya 40 sm werin danîn.

Cîgirê Hevserokê Şaredariya Gel a bajarê Qamişlo Gabriyeêl Şemûn anî ziman ku ji ber xetên ava vexwarinê hene, xebatên sererastkirina xetên kanalîzasyonan bi baldarî tên kirin.

Tê payîn ku ew ê hefteya bê proje bi dawî bibe.

Di heman çarçoveyê de Şaredariya Gel dest bi danîna xetên kanalazyonên di nava taxa Cudî (Qenat El-Siwês) a rojhilatê bajarê Qamişlo de kiriye, tê payîn ku ew ê boriyeke bi dirêjahiya 250 metreyan were danîn.

(eh)

ANHA