Werşeya Lavîn rojane 500 kincên bijîşkî didirû

Ji ber qedexeya li herêmên Bakur û Rojhilatê Sûriyê ya li dijî berbelavbûna Koronavîrusê, çalakiyên civakî li herêmê bi pêşkêşkirina însiyatîfên mirovî yên bi hedefa piştevaniya tevahî çînên civakê, berdewam in.

Girêdayî mijarê werşeya Lavîn a li bajarê Hesekê dest bi însiyatîfa dirûtina çakêtên bijîşkî ji bijîşk û hemşîreyan re kir.

Karkera li werşeya Lavîn a bi navê Heyfa Hemo diyar kir ku wan ji dema berbelavbûna Koronavîrusê li cîhanê dest bi vê însiyatîfê kiriye û wiha got: "Hedef ji vê însiyatîfê alîkariya bijîşk û nexweşxaneyan e. Ev însiyatîf bê pere ye, rojane 500 çakêtên bijîşkî didirûn."

Heyfa da zanîn ku der barê dabînkirina caw de astengiyan dikişînin û wiha domand: "Bi hêvî me ji me re di zûtirîn demê de caw bê peydakirin da ku em nesekinin."

Heyfa Hemo bang li rêxistinên navneteweyî û mirovî kir ku derbasî tevahî herêmên Bakur û Rojhilatê Sûriyê bibin û alîkariya şêniyan bikin.

(fr)

ANHA

<iframe width="560" height="315" src="https://www.youtube.com/embed/guo2AOEETwc" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>