Dewleta Tirk kesên bi Koronayê ketine derbasî Serêkaniyê dikin

Cîhan bi giştî ji bo pêşîgirtina vîrûsa korona ketiye tevgerê. Dewlet Tirk a dagirker û çeteyên girêdayî wê rêxmî vê rewşa awartê êriş û kiryarên xwe bi israr berdewam û zêdetir dikin. 

Nûçegihana me bi rêya çavkaniyan hin kiryarên hovanê û rewşa dawî li bajarê Serêkaniyê bi dîmen û fotoyan parve kir. 

Di dîmenê ku ji bajarê Serêkaniyê hatine bidestxitin de diyar dibe ku çete li bajarê Serêkaniyê mal û milkên sivîlan derdixin derve û dişewitînin. Li bajar pêvçûnên di navbera çeteyan li ser parvekirina milkên sivîlan berdewam dike.  

Her wiha li gor çavkaniyan, dewleta Tirk a dagirker ji sînorê Bakurê Kurdistanê bi sedan kesên ku bi vîrûsa koronayê ketine derbasî binerda nexweşxaneya Roj a bajarê Serêkaniyê dikin.

Li bajarokê Til  Helefê  yê girêdayî bajarê Serêkaniyê çeteyan dest kolandina xendeqa kirine.

Dewleta Tirk a dagirker û çeteyên girêdayî wê deriyekî din di navbera Bakurê Kurdistanê û Serêkaniyê de vedikin. Li taxa Ebra ji bo vekirina derî, erdê şêniyan bi darê zorê ji wan digrin. Li gor çavkanî ji bo rêyekî bazirganî û derbaskirina çeteyan dêrî tê vekirin.

ANHA

<iframe width="560" height="315" src="https://www.youtube.com/embed/fI2-AdUzMGM" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>