Sersaxî ji malbata şehîd Zehredîn re hate xwestin

Bi sedan şêniyên Helebê duh cenazeyê şervanê YPG‘ê  Mihemed Dawid (Zehredîn Efrîn) ê 15’ê vê Adarê di qonaxa duyemîn a Berxwedana Serdemê de şehîd bûbû li Goristana Şehîdan a herêma Şiqeyêf spart axê.

Îro bi sedan şêniyên bajarê Helebê berê xwe da konê sersaxiyê yê şehîd Zehredîn Efrîn ê ku li Qada Şehîdan hate vedan.

Piştî deqeyeke rêzgirtinê, endama rêveber a Kongre Star Fatme Hesen, endamê Meclisa Komxebata Olan Umer El-Şamî, endamê rêveber ê Tevgera Ciwanên Şoreşger a Sûriyê Kenan Betal û bi navê meclis û taxan axivîn.

Axêveran sersaxiya malbata şehîd Zehredîn kir û gotin ku dê armanca şehîdan heta rizgarkirina tevahî xakên dagirkirî pêk bînin.

Axêveran destnîşan kir ku qurbaniyên ku di oxira rizgarkirina xakên dagirkirî de tên dayîn badilhewa naçin û dê pêşeroj şahid be.

Li dawiyê axêveran bal kişand ser ku dê berxwedan û têkoşînê bilind bikin ku parastina destkeftiyên şehîdan bikin.

Merasîm bi diruşmên silavkirina şehîdên Berxwedanên Serdem û Rûmetê bi dawî bû.

(fr)

<iframe width="560" height="315" src="https://www.youtube.com/embed/zD075zw2xHg" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>