Li Tebqayê bi sedan kes ji bo Ocalan meşiyan

Bi armanca eşkerekirina rewşa tenduristî ya Rêber Ocalan bi sedan şêniyên herêma Tebqayê daketin qadan.

NÛÇE

28 sibat, 2020 13:56

TEBQA

Şêniyên bajarê Tebqayê, tevlî bi sedan endamên komîn û saziyên Rêveberiya Sivîl a Demokratîk beşdarî meşê bûn.

Xwepêşandêran pankartên bi nivîsên"Vemirandina agirê Îmraliyê tê wateya vemirandina hêrsa gel", "Em banga sehkirina jiyana Rêber Ocalan û hevdîtina bi parêzerên wî re dikin"," Bila mirovahî me bîne gel hev û da ku em rêberê mirovahiyê rizgar bikin" û wêneyên Rêber Abdullah Ocalan hilgirtin.

Meş ji ber avahiya Rêveberiya Jinan a Tebqayê dest pê kir û ber bi Navenda Çand û Hunerê ve meşiyan.

Xwepêşandêran sloganên"Azadî ji Ocalan re" berz kirin. Li ber Navenda çand û Hunerê meş veguherî mîtîngê. Li ser navê Meclisa Malbatên Şehîdan, endama meclisê Fatima Mihemd axivî û bang li NY`yê kir ku çarenûsa Rêber Ocalan diyar bike.

Paşê ser navê buroya Partiya Pêşeroja Sûriyê şaxê Tebqayê serokê buroyê Musena Abdulkerîm axivî û diyar kir ku bûyera duh li girava Îmraliyê qewimî, komploya li dijî gelan, dewleta Tirk berpirsa jiyana rêbertî ye.

Heveroka Meclisa Sivîl a Tebqayê Macîda Hisên Semah jî axivî û banga hevdîtina bi Rêbertî re kir.

(eh)

ANHA