Ciwanên Efrînê bi meşekê komploya 15‘ê Sibatê şermezar kirin

Bi wesîleya salvegera 21‘an a komploya navnetewî ya 15‘ê Sibatê ya li dijî Rêber Abdullah bi sedan endamên Tevgera Ciwanên Şoreşa a Sûriya ya herêma Efrînê meşek bi dirûşmeya "Bi xezeba ciwanan em faşîzmê têk bibin, pergala Îmraliyê bişikînin" " lidar xistin 

Ciwanan ji gundê Til Qerahê yê herêma Şehbayê dest bi meşê kirin û heta pêşiya avahiya Meclisa Malbatên Şehîdan meşiyan û bê navber dirûşmeyên ji Ocalan re azadî berz dikirin.

Endamê rêveberê Tevgera Ciwanên Şoreşger a Sûriyê Ebdo Welo axivî, komploya navnetewî ya li dijî Rêber Abdullah Ocalan şermezar kir û got: "Komplo planek ji bo xêzkirina nexşerêya nû ya Rojhilata Navîn û berdewama projeyên mêtîngerî li herêmê ye."

Welo anî ziman ku "Bi fikir û felsefeya Rêber Abdullah Ocalan me dikarî xwe ji zulma desthilatdaran rizgar bikin."

Endama Rêveber a Tevgera Ciwanên Şoreşger a Sûriyê Evîn Bîlal berxwedana Ocalan a di girtîgeha Îmraliyê de silav kir û soza têkoşînê da.

Evîn got, tu kes nikare îradeya gelê Kurd têk bibe, ji ber ku gelê Kurd bi saya ramanê rêber Ocalan ji zulma dewletên desthilatdar rizgar bû.

Çalakî bi berzkirina dirûşmeyên silavkirina berxwedana Rêber Ocalan, Berxwedana Serdemê û Rûmetê bi dawî bû.

ANHA