Koçber li gel rewşên giran ên jiyanî jî berxwedana xwe didomînin

Hejmara koçberên bi darê zorê di encama êrişên dewleta Tirk a dagirker û çeteyên wê de ji herêmên li ser sînor derketine, gihîşt zêdetirî 300 hezarî û Rêveberiya Xweser 64 navend li Hesekê erkdar kirin û kampa Waşokanî ya li rojavayê bajarê Hesekê, vekir.

Rêveberiya Xweser a Bakur û Rojhilatê Sûriyê û Rêxistina Heyva Sor a Kurd, tevahî pêdiviyên koçberan li gorî derfetên heyî ji navendên tenduristî, dibistanan re peyda kirin da ku zarok ji xwendinê bê par nemînin.

Rewşên mirovî yên dijwar û biazar, israra koçberan têk nebir û nebû sedema qutkirina têkiliyên biratiya gelan. Her wiha tevahî koçberên di kampê û navendan de hatine bicihkirin, ji hev re dibin alîkar.

Ajansa ANHA’yê li kampa Waşokanî gerî û hevpeyvînek bi koçbera bi navê Subhiye Mistefa El-Mirî ya ku ji Serêkaniyê ye, pêk anî. Subhiye bal kişand ser ku pêdiviya wan bi alîkariyan heye da ku debara malbata ji 9 kesan pêk tê, bê kirin û spasiya rêveberiya kamp û rêxistina Hevya Sor a Kurd kir.

Subhiye Mistefa piştrast kir dê di kampê de heta vegerê û rizgarkirina ji warên xwe ji qirêjiya delweta Tirk a dagirker û çeteyên ku li dijî sivîlan komkujî pêk anîne, li ber xwe bidin.

Fatme Mihemed koçbera ji gundê Menacîr ê girêdayî bajarê Serêkaniyê destnîşan kir ku çeteyên girêdayî dewleta Tirk a dagirker ên bi navê Artêşa El-Wetenî ya Sûriyê  wek çeteyên DAIŞ’ê, malên wan dizîn û wêran kirin.

Fatme Mihemed diyar kir ku rewşa wan di kampê de baş e û got heta dewleta Tirk a dagirker û çeteyên girêdayî wê di warê wê de bin, venagere.

(fr)

ANHA