Hewlên Gerînendeya Avê ya Tirbespiyê

Gerînendeya Avê ya girêdayî Şaredariya Gel a navçeya Tirbespiyê ya girêdayî kantona Qamişlo gelek proje pêk anîn da ku avê bigihîne şêniyan. Her wiha wê toreyên berê sererast bike û toreyên nû dirêj bike. Tê payîn ku di dema bê de gelek projeyên din bîne cih.

16 ÇILE, 2020 08:55

QAMIŞLO

Şaredariya Gal a navçeya Tirbespyê ya girêdayî kantona Qamişlo piştî giliyên şêniyan gelek proje anîn cih da ku daxwazên şêniyan pêk bîne.

Şaredariya Gel a navçeya Tirbespiyê di dema derbasbûyî de xeta avê ya 21 a sereke û xeta 14 a şaxî sererast kirin.

Derbarê mijarê endamê rêveber ê Gerînendeya Avê ya navçeya Tirbespiyê Hisên Xalid got: “Gerînendeyê toreya avê li gundê Girê Berî û taxa Qadîsiye ya navçeyê bi dirêjahiya 612 m berfireh kiriye, tevî taxa Zihur. Bi vê yekê gerînendeyê av ji zêdetirî 3 hezar malbatan re peyda kir.”

Xalid diyar kir ku Gerînendeya Avê li gundên Şermûx Mezin û Şermûx Biçûk xeta avê bi dirêjahiya 600 m dirêj kir. Ji ber telefbûna toreyên avê û kehrebeyê av nedigihişt her du gundan.

Her wiha gerînendeyê 9 jêderên avê li bajarokê Ebû Firi yê girêdayî navçeya Tirbespiyê danîn da ku avê li ser bajarokê û gundên girêdayî wê belav bike.

Xalid destnîşan kir ku ew amade ne tevahiya daxwazên komîn û şêniyan girêdayî avê bînin cih. Her wiha eşkere kir ku gerînendeyê wê bîran li gundên ku av tê de kêm e bikolin.

(şx)

ANHA