Partiya Sûriyê ya Pêşerojê li Kobanê panelek lidar xist

Endamên partiyên siyasî, nûnerên Partiyên Sûriyê ya Pêşerojê yên herêmên Reqa, Girê Spî, Sirîn, Çelebiyê û Qendayê beşdarî panelê bûn.

Panela li buroya Partiya Sûriyê ya Pêşerojê ya bajarê Kobanê hate lidarxistin  ji aliyê endamên partiyê Kedîm Îbrahîm û Fayîza Ebdî ve hat birêvebirin.

Di panelê de mijarên wekî pênaseya koçberiyê, rêbazên ku dewleta Tirk ji destpêka aloziya Sûriyê ve pêk tîne, dagirkirina herêmên Bakur û Rojhilatê Sûriyê, koçberkirina niştecihên wê yên resen û bicihkirina kesên biyanî li şûna wan hatin şîrovekirin.

Her wiha bal hate kişandin ser qirkirina etnîkî û guhertina demografîk ku bi plana Tirkiyê li gelek herêmên Sûriyê pêk hatine, koçberkirina welatiyên Sûriyê bi rêya hevpeyamên bi Rûsya re hatin destnîşankirin û îşaret bi guhertina demografîk li Efrîn, Serêkaniyê û Girê Spî û qirkirinên li dijî gelê Kurd, Ereb û Ermen hate kirin.

Kedîm Îbrahîm anî ziman ku rêxistinbûyîn î hêza sereke, lew re divê gel berî her tiştî xwe bi rêxistin bike. Kedîm îşaret pê kir ku di projeya netewa demokratîk de mafê hemû pêkhate, netew, çand û mezheban misoger e, bêyî vê projeyê welatî nikare rola xwe bi serbestî pêk bîne.

Di dawiya panelê de bal hate kişand ser girîngiya diyalogên Sûrî-Sûrî û hate gotin ku rêya xelasbûna ji hegemoniya dewletên mudaxelkar e.

ANHA