Şênyên Efrînê peyamek ji bo vegerê radestî Rûsya kir

Şandeyek ji şêniyên Efrînê peyamek radestî navenda Lihevanînê ya Rûsî ya li Helebê kir, xwestin dagirkeriya dewleta Tirk û çeteyên wê ji herêmên wan werin derxistin da ku şênî vegerin ser malên xwe.

NÛÇE

2 mijdar, 2019 15:02

HELEB

Şandeyek ji şêniyên herêma Efrînê yên li bajarê Helebê, berê xwe dane Navenda Lihevanînê ya Rûsî ya li bajarê û peyamek radest kir. Şande ji nûnertiya şêniyên Efrînê dikin ``Leyla Xelid, Fehîme Hemo, Mihemed Cemîl, Alfa Mihemed, Neşat Zêbarî`` pêk hatibûn û ji aliyê endamên navendê ve ku General Alexei Ivanovich û mîralayî Mihemed Qasim ve, hat pêşwazîkirin.

Di çarçoveya vê serdanê de, herdû aliyan girîngiya parastina xaka Sûriyê , vegera şêniyên Efrînê û girîngiya seknandina binpêkirinên dagirkeriya Tirk û çeteyên wê bûn nîqaş kirin.

Piştî peyama şêniyên Efrînê radestî endamên Navenda Lihevanînê ya Rûsî hate kirin, Leyla Xalid û Fehîme Hemo destnîşan kirin ku dewleta Rûsya dikare pêşvehatina Tirkiyê nava xaka Sûriyê rawestîne.

Mihemed Qasim diyar kir ku îdiayên hatine belavkirin ku Tirkiyê derbasî Til Refat û Minbicê bûne ne rast in, tenê di navbera herdu aliyên Rûsî û Tirkî de dewriye digerin û dê wek herêmên din ên ku dewriyeyên Rûsya û Tirkiyê lê digerin, 6 mehan dom bike.

(rr)

ANHA