Şêniyên Helebê piştgiriya xwe ji Berxwedana Rûmetê re nîşan da

Çalakiyên konê piştgiriya Berxwedana Rûmetê ku li Qada 19 Şehîdan a li taxa Şexmeqsûd a bajarê Helebê hatiye vedan, derbasî roja xwe ya 6`an bûn.

Îro endamên meclisa taxa Eşrefiyê, Komîna Şehîd Dr. Şahêd Cimyan, her wiha endamên Komîteya Perwerde û Fêrkirinê, endamên PYD`ê û şêniyên taxê kom bûn.

Çalakî bi deqeyeke rêzgirtinê dest pê kir. Paşê gelek axaftin ji aliyê PYD, meclisa taxa Eşrefiyê, Komîteya Perwerde û Fêrkirinê û hin beşdarên ji şêniyên taxê, hatin kirin.

Axaftvanan destnîşan kir ku pêvajoya heyî hevgirtina di navbera şêniyên civaka Sûriyê de ji bo têkbirina êrîşên dagirkeriya Tirkiyê û parastina xaka Sûriyê dixwaze.

Her wiha axaftvanan behsa muzakereya lihevkirinê di navbera rejîma Sûriyê û Rêveberiya Xweser de kir û wiha got: "Armanca me parastina gel e û kêmkirina firsendên artêşa Tirk a dagirker di pêkanîna komkujiyan li ser sivîlan e. Her wiha da ku deriyê diyalogê di navbera aliyên Sûriyê de bê vekirin."

Di dawiyê de axaftvanan soza domandina têkoşîn û berxwedanê li dijî artêşa Tirk a dagirker û çeteyên wê da.

(jo)

ANHA