Rêveberiya Xweser: Diyalog çareseriya herî guncaw e

Rêveberiya Xweser a Bakur û Rojhilatê Sûriyê îro daxuyanî da raya giştî.

Daxuyanî wiha ye:

 ‘‘Rêveberiya Xweser a Bakur û Rojhilatê Sûriyê hertim radighîne ku çareseriya herî guncew ji bo bi dawîkirina aloziya Sûriyê bi rêya diyaloga sûrî-sûrî pêkane. Me hertim hewl da diyalogê pêş bixin. Gelek hevdîtin di navber rêveberiyê û Rûsyayê de ji bo pêşxistina diyalogê li dar ketin. Rêveberiyê nexşerêya çareseriyê pêşkêş kir û dibîne ku pêşxistina wan kedan ji bo ku nexşerê di pratîkê de pêk were gelek girîng e.

Wek Rêveberiya Xweser a Bakur û Rojhilatê Sûriyê em bi awayekî erênî li daxunayiyên birêz Sergey Lavrov wezîrê derve yê Rûsyayê girêdayî diyalogê di navbera Rêveberiya Xweser û hikumeta Sûriyê de dinêrin. Em hêvî dikin ku Rûsya rola xwe wek desteker û garantor di vî warî de bilîze. Encamên wê yên pratîk û rastîn hebin. Ji ber ku ev girtek ji bo xizmeta berjewendiya tevahiya sûriyan e. Teqez e ku em naxwazin bûyerên li Efrînê rû dane dubare bibin. Li Efrînê tevahiya gelê Sûriyê rastî êrîşan hatin û hatin hedefgirtin. Ji ber wê divê Efrîn dubare nebe ji ber ku dê li Sûriyê û gelê wê bi giştî xeter be.”

(şx)

ANHA