Dewleta Tirk bi meşeke girêseyî li Qamişloyê hate şermezarkirin

Bi dirûşmeya `Ax û rûmeta xwe biparêzin û dagirkerî û DAIŞ`ê tune bikin`, Tevgera Çand û Hunerê ya herêma Cizîrê bi koordîneya Kongreya Star meşek ji bo şermezarkirina gefên Dewleta Tirk a dagirker  li dijî herêmên Bakur û Rojhilatê Sûriyê û êrîşên li ser Başûr û Bakurê Kurdistanê, orgenîze kir.

Bi sedan endamên Tevgera Çand û Hunerê ya herêma Cizîrê endamên Kongreya Star bi cilên xwe yên foklorî ya her herêmekê û tev li meşa ku li bajarê Qamişlo organize bûye, bûn.

Beşdaran pankartên bi nivîsên `Na ji qirkirina çandî re`, alên Tevgera Çand û Hunerê û Kongreya Star hildan.

Meş ji çarxeriya Sewami dest pê kir, di nav kolana sereke de ya taxa Enteriyê li ber çarxerêya Şehîdên Enetresyonalîst geriyan. Di meşê dea sloganên `Na ji dewleta Tirk a dagirker re`, `Faşîst Erdogan hilweşe`, `Na ji qirkirina çandî re`, `Bijî biratiya gelan di navbera pêkhateyan de û jiyana hevpar` berz kirin. Meş li Goristana Şehîdan a bajêr rawestiya û veguherî mitîngê.

Piştî deqeya rêzgirtin, daxuyaniyek bi zimanê Erebî ji hêla endama rêveber a Tevgera Çand û Hunerê Zîlan Mecîd û bi zimanê Kurdî ji hêla nivîskar û helbestvan Ehmed Çetlî ve hate xwendin.

Di daxuyanî de hate gotin:

`Wekî tê zanîn aloziyek rastîn û kabusek mezin li Rojhilata Navîn heye. Her roj hêzên dagirker hewl didin sûd ji pirsgirêkan bigirin û ji bo pêkanîna berjewendiyên xwe gur bikin. Ew hêzên cîhanî di nav de yên herêmî armanc dikin ku rê li pêşiya çareseriyên ku dê demokrasî û ewlehiyê li Sûriyê peyda bikin, bigirin.

Ev hêz tenê bi berjewendiyên xwe difikirin û ji bo wê bi tevahiya rêbazan hewl didin fikrê demokratîk tune bikin. Ji ber wê îro em dibînin ku bi awayekî hovane êrîşî Herêmên Parastinê yên Medya û Wargeha Rustem Cûdî ya penaberan li Başûrê Kurdistanê dikin, tevî wê gefa êrîşan li dijî herêmên Bakur û Rojhilatê Sûriyêî dixwin.

Li ser asta têkoşîna me di qada çand û hunerê de, ji her demê bêtir, mezinkirina asta têkoşîn û berxwedanê li hember van êrîşan tê xwestin. Divê em li hember her kesê ku hewl dide çand û hebûna me qir bike bisekinin. Ji ber ku em dizanin ku hovantirîn êrîş, êrîşên qirkirina çandî li dijî gelan e. Ji ber ku çand nasnameya gelan û sembola hebûna wan e.

Îro li ser vê axa pîroz me li hember hovantirîn rêxistinên terorîst şer kir û berxwedanek bêhempa ku mîna wê di dîrokê de pêk nehatiye nîşan da. Bi vî şerî bi giştî, bi berxwedana jinê ya dîrokî û serkêşiya wê ya taybet Şoreşa Rojava bûye şoreşa jina azad.

Di encama van serkeftinan de tevahiya gelên herêmê bûn yek û tevahiya pêkhateyên Bakur û Rojhilatê Sûriyê tev li rizgarkirina herêmên xwe ji DAIŞ`ê û avakirina civakek demokratîk û azad li ser rêgeza jiyana hevpar a ku ji projeya neteweya demokratîk girtine, bûn

Îro û weke ku em baş dizanin armanca tevahiya gef û tehdîdên Tirkiyê têkbirina projeya neteweya demokratîk û Rêveberiya Xweser e. Ji ber ku ev projeyên demokratîk ji hikumeta Tirkiyê  û serokê wê re mîna kabusê ye. Piştî ku planên wî di dagikirina herêmên Bakur û Rojhilatê Sûriyê de bi binketin, me dît ku Erdogan êrîşî bakurê Kurdistanê kir û şaredariyên gel ên ku gel di hilbijartinan de bi dest xistine, desteser kirin.

Wek gelên Bakur û Rojhilatê Sûriyê em wan kiryarên faşîst şermezar dikin. Em dibêjin û tekez dikin ku gelê Kurd dê her tim li hember tevahiya zêdegaviyan li ber xwe bide. Em li rex gelê me li Bakurê Kurdistanê ne û em soz didin ku em ê layîqî dîroka xwe ya têkoşer, xwîna şehîdên xwe bin. Em ê li hember tevahiya komployên der heqê gelên me de têne plankirin bisekinin û em ê li hember tevahiya êrîşên dewleta Tirk a dagirker bisekinin.

Di dawiyê de wek Tevgera Kevana Zêrîn, Desteya Çand û Hunerê û Kongreya Star em tevahiya hewldanên ku qirkirina çanda gelên me armanc dikin şermezar dikin. Em wê qebûl nakin û tu carî em qebûl nakin û jê re dibêjin na ji qirkirina çandî re û ji gelên xwe re dibêjin ax û rumeta xwe biparêzin."

(şx)

ANHA