Xwendekarên Helebê Cejna Zimanê Kurdî pîroz kir

Xwendekarên taxa Şêxmeqsûd a Helebê bi boneya Cejna Zimanê Kurdî meşek li dar xist.

NÛÇE

14 gulan, 2019 13:05

HELEB

15`ê Gulanê Cejna Zimanê Kurdî ye. Bi vê boneyê Komîteya Civaka Demokratîk (KPC-Demokratîk) li taxa Şêxmeqsûd a bajarê Helebê meşek li dar xist. Meş ji ber Dibistana Şehîd Alan Mihemed a rojhilatê taxê dest pê kir.

Bi sedan xwendekarên dibistanan û mamoste tev li meşê bûn.

Di meşê de pankartên bi nivîsên "Dayika min a ku ez fêrî zimanê bav û kalan kirim", "Ziman bingeha hebûnê ye", "Bê ziman jiyan nabe" hatin hildan.

Dibistan li Çerxerêya Şehîd Destîna veguherî mitîngê. Di mitîngê de KPC-Demokratîk daxuyaniyek bi zimanê kurdî û erebî da. Daxuyanî ji aliyê xwendekar Mehmûd û Rosêl Seydo ve hat xwendin.

Di daxuyaniyê de hat destnîşankirin ku ji mafê wan e ku parastina zimanê xwe bikin û hat gotin zimanê kurdî her çi qasî rastî qirkirin û helandê were jî dê bimîne û her hebe.

Paşê Cejna Zimanê Kurdî li tevahî xwendekar, mamoste û Rêberê Gelê Kurd Abdullah Ocalan hat pîrozkirin. Mitîng bi dirûşman bi dawî bû.

(bx)

ANHA