ANHA sibê dest bi weşana dosyayên sûcên ku Tirkiyê li ser sînor pêk anîne dike

Ajansa me sê dosyayên ku derbarê sûcên şer û binpêkirinên ku dewleta Tirk a dagirker û çeteyên wê Heyet Tehrîr El-Şam, Ehrar El-Şam û Partiya Turkistanî ya Islamî derheqê civakên olî yên Xiristiyan, Duriz, Êzidî û Elewiyan ên li ser sînor pêk anîne, amade kirine wê sibê dest bi weşana wan bike.

11 nîsan, 2019 10:18

ALAN ROJ – NAVENDA NÛÇEYAN

Di çarçoveya nîqaşên li ser herêma “bi ewle” ya li ser dirêjiya sînorê di navbera Sûriyê û Tirkiyê de têne kirin û hikumeta Erdogan bi hinceta parastina sînorê xwe propogendeya wê dike, armanca wê ew e ku qirkirina etnîk ji ol û pêkhateyan re li wê herêmê dewam bike. Ev yek jî piştî gelek komkujiyan, koçberkirina bi darê zorê û guhartina demografî derheqê Xiristiyanan, Êzidî, Duriz û pêkhate û olên din ên li ser sînorê ji bajarê Keseb ê bakur-rojavayî Sûriyê heta bajarê Dêrikê yê bakur-rojhilatê Sûriyê, dixwaze pêk bîne.

Di vê çarçoveyê de, ajansa me sê dosya derbarê sûcên şer û binpêkirinên ku dewleta Tirk a dagirker bi awayekî yekser yan jî bi rêya çeteyên xwe derheqê herêmên li ser sînor ango ji bajarê Keseb, heta Idlib, Efrîn, Girê Spî, Serêkaniyê û Tirbespiyê pêk anîne, amade kirine û wê sibê dest bi weşana wan bike. Di herêmên navborî de, mozayikekî ji hemû ol û netewên wekî Duriz, Êzidî, Ermen, Suryan, Kurd, Elewî û Ismaîlî têde dijî.

(kc)

ANHA