Cenazeyê şehîd Rişko bi merasîmekê hat veşartin

Cenazeyê şervanê Meclisa Leşkerî ya Suryan Yaqûb Rişko Yaqûb bi merasîmekê li Goristana Şehîdên Suryan a bajarê Hesekê hate veşartin.

NÛÇE

6 nîsan, 2019 13:45

HESEKÊ

Bi tevlîbûna bi sedan şêniyên bajarê Hesekê, şervanên Meclisa Leşkerî ya Suryan, endamên saziyên sivîl û Partiya Yekîtiya Suryan cenazeyê şervanê Meclisa Leşkerî ya Suryan Yaqûb Rişko Yakûb (Telxet) ê ku dema erka xwe pêk dianî şehîd bibû, bi merasîmekê li Goristana Şehîdên Suryan a bajarê Hesekê hat veşartin.

Merasîm bi bîranîna şehîdan destpê kir û ji aliyê şervanên Meclisa Leşkerî ya Suryan ve turana leşkerî pêk hat. Paşê bi navê Meclisa Malbatên Şehîdan a Suryan û Asur Nebîl Eylo, Fermandariya Giştî ya Meclisa Leşkerî ya Suryan Akad Hana û Hevserokê Partiya Yekîtiya Suryan li bajarê Hesekê Gabriyêl Şamûn axivîn. Di axaftinan de sersaxî ji malbata şehîd re hate xwestin û rola şehîdan a avakirina yekîtiyan gelan hate destnîşan kirin.

Kesên axivîn soza şopandina rêya şehîdan da.

Piştî axaftinan nasnameya şehîd ji aliyê endama Meclisa Malbatên Şehîdan a Suryan Ramî Îsa ve hate xwendin û radestî malbatê hate kirin.

Cenazeyê şehîd di nava dirûşm û tilîliyên dayikan li Goristana Şehîdên Suryan hat veşartin.

ANHA