Şêniyên Tebqayê şehîdên  Adarê bi bîr anîn

Meclisa Malbatên Şehîdan a bajarê Tebqayê îro merasîma bîranîna 6 şehîdên QSD`ê û Hêzên Ewlehiya Hundirîn ên ku di meha Adarê de li cihên cuda şehîd bûne lidar xist.

Hevseroka Meclisa Zagonsaz a Rêveberiya Sivîl a Tebqayê Rewşen Hemê, hevseroka Meclisa Rêveber Hind El-Elî, Rêveberiya Jin a Tebqayê, Mala Birîndaran, Partiya Pêşerojê ya Sûriyê tevî bi dehan endamên saziyên sivîl û leşkeri beşdarî merasîmê bûn.

Merasîm bi deqeyek rêzgirtinê destpê kir, paşê malbatên şehîdan mûm li ber wêneyên zarokên xwe vêxistin.

Di merasimê de gelek axaftina ji hêla QSD`ê endamê rêveber ê Têkîliyên Giştî yên Leşkerî Mistefa Mehmûd, Meclisa Malbatên şehîdan Emîne Ebdulrezaq, Rêveberiya Sivîl a Demokratîk a herêma Tebqayê hevserokê Komîteya Aborî Ehmed El-Silêman, Rêveberiya Jin a Tebqayê endama rêveber a rêveberiyê Fatme Hemdo ve hatin kirin.

Di axaftinan de serkeftina QSD`ê ya ku bi saya fedekariyên şehîdan hate bi destxistin û li tevahiya malbatên şehîdan hate pîrozkirin. Her wiha soza şopandina rêya şehîdan heya rizgarkirina Efrînê û her bostek ji xaka Sûriyê ji dagirkeriya Tirk hate dayîn.

Di merasime de belgefîlmek girêdayî şerên şervanên QSD`ê li dijî DAIŞ`ê hat pêşandan. Herî dawî bawernameya şahadeta şehîdan hat xwendin.

Navên şehîdan wiha ne; Ehmed El-Hesen, Ehmed Cedîi, Beşar El-Ewad, Mehmûd El-Şerîf, Salih Mehmûd bi nasnav Xelef Reqa û Mueyed El-Hindî.

(şx)

ANHA