Şêniyên Efrînê cenazeyê şehîd Kemal spartin axê

ŞEHBA

Şêniyên Efrîn û Şehba bi bilindkirina wêneyên şehîd Kemal Efrîn û wêneyên Rêberê Gelê Kurd Abdullah Ocalan, her wiha bi berzkirina dirûşmeyên "Şehîd namirin" û "Bijî berxwedana Efrînê" cenazeyê şehîd Kemal ji nexweşxaniya Avrîn a li navçeya Fafîn a kantona Şehbayê wergirtin û berê xwe dan goristana Berxwedana Serdemê ya  li navçeya Ehras a kantona Şehbayê.

Merasîm bi deqeyekê rêzgirtin dest pêkir, paşê Endamê Meclisa Malbatên Şehîdan Xelîl Îso axivî, destnîşan kir ku parastina welat li ser milê hemû gelan dikeve û şehîdan ev erk pêk anî, ji ber wê pêwîste gel xwe li hember dijmin bi rêxistin bikin.

Her wiha endama Rêveber a Kongreya Star Gulê Mihemd wiha got:"Dewletên derve dixwezin bi rêya siyasetên xwe yên qirêj vîna gelan bişkînin."  

Paşê Endamê Meclisa Herêma Efrînê Ebdilhemîd Bekrî soz da hemû şehîd û têkoşer Leyla Guven û çalakvanên greva birçîbûnê ku ew ê tecrîda li ser Rêberê Gelê Kurd Abdullah Ocalan bişkînin.

Her wiha Endama Koordînasyona Kongreya Star Esmehan Hesen serkeftina QSD, YPG û YPJ`ê pîroz kir û got: "Ev meh meha serkeftin û berxwedana Gelê Kurd e."

Paşê nasnameya şehîd ji aliyê Endama Komîteya Perwerdeya Civaka Demokratîk Şêrîn Silêman ve hate xwendin û radestî malbata wî hate kirin.

Cenazeyê şehîd di nava diruşmeyan de spartin axê.

(ekîp)

ANHA