Newroza Tirbespiyê didome

NAVENDA NÛÇEYAN

Piştî ku agirê Newrozê ji aliyê dayikên şehîdan ve hat pêxistin, Hisên Ezam bi navê Rêveberiya Xweseriya Demokratîk axivî. Ezam destnîşan kir ku Newroza îsal Newroza serkeftinê ye û divê Efrîn ji dagirkeran rizgar bibe.

Ezam teqez kir ku gelê Bakur û Rojhilatê Sûriyê her tim dê tê bikoşe heta Newrozeke nû ava bike û Efrînê ji artêşa Tirk a dagirker û çeteyên wê rizgar bike.

Her wiha ji rêveberên Kongreya Star a navçeya Tirbesiyê Xaliya Eyûb axivî û Newroz li Rêberê Gelê Kurd Abdullah Ocalan, berxwedêrên di zindan de û şervanên QSD`ê pîroz kir.

Bi navê partiyên siyasî yên li navçeya Tirbesiyê peyama pîrozbahiyê ji aliyê yek ji rêveberên Partiya Demokratîk a Kurdistanê li Sûriyê Ciwan Siko û bi navê Partiya Hevgirtin a Kurdistanê Mihemd Ebas Ehmed ve hat xwendin.

Di peyamê de hate gotin ku Newroza îsal sembola azadî, yekitî û berxwedana li dijî zilm û  tarîtiyê ye.

Cîgirê Hevserokatiya MSD`ê Hikmet Hebîb jî axivî û destnîşan kir ku gelê Bakur û Rojhilatê Sûriyê di hemû aliyan de yekitiya xwe ava dike.

Paşê stran ji aliyê Koma Koçeran ve hatin pêşkêşkirin.

(bx)

ANHA