Kampa Ebû Xeşeb ruxmî derfetên kêm 5 hezar û 391 koçber hemêz dike

FADÎ FARÛQ / DÊRAZOR

Kampa Ebû Xeşeb di 13’ê Cotmeha 2017`an de ji aliyê Rêveberiya Xweser a Bakur û Rojhilatê Sûriyê ve hat vekirin.  Lê gorî serjimariya Rêveberiya Kampê di nav kampê de 600 malbat yanî 5 hezar û 391 kes hene. Li gel wê jî pêlên koçberiyê hîna berdewam in.

Rêveberiya kampê bi sponseriya Rêveberiya Sivîl a bajarê Dêrazorê rojane nan bi rêjeya hezar û 679 kg û 100 hezar lître ava vexwarinê li koçberan belav dike.

Di nav kampê de 3 nuqteyên tenduristiyê hatine vekirin. Nuqte ji saet 8:00`an heya 13.00’an vekirîne derman li koçberan belav dikin. Her wiha rewşên awarte ji nexweşxaneyên Hesekê re bê pere têne veguhestin. Tevî wê jî nuqteyên tenduristiyê yên Heyva Sor a Kurd ên gerok rolek sereke di xizmeta koçberan de dilîzin.

Rêveberiya kampê pakêtên xwarinê her 25 rojan li her malbatekî belav dike. Ji her malbatekî re 4 isfênc, betanî, alavên mitbaxê, hasîr û çadir hatin pêşkêşkirin.

Girêdayî mijarê endamê rêveber ê kampa Ebû Xeşeb Ehmed El-Şêx destnîşan kir ku Rêveberiya Sivîl bi hemû derfetên xwe alîkariya kampê kir lê dîsa jî kamp bi hewcedariya alîkariyê ye. El-Şêx diyar kir ku di şevê de ji ber tunebûna nuqteyek tenduristiyê zehmetiyan dikşînin.

El-Şêx diyar kir ku gelek kêmasî di nav kampê de hene jê tunebûna cihek diyar ji bo sergoyê û wiha got: “Êdî pêwîste dermanê kurmikan di nav kampê de were reşandin û zemîna kampê bi kevir were sererastkirin.”

(şx)

ANHA