Li Dêrazorê xwendekar hatin xelatkirin

Komîteya Perwerde û Fêrkirinê li Dêrazorê 200 xwendekarên serkeftî ku pileyên bilind anîn bi şahiyekê li dibistana Sixo ya xeta Ebû Xeşeb a li bejahiya bakurê Dêrazorê xelatkirin.

NÛÇE

26 sibat, 2019 12:30

DÊRAZOR

Şahiya xelatkirinê bi beşdariya endamên Komîteya Perwerdê ya girêdayî Meclisa Sivîl a Dêrazorê, mamoste, xwendekarên serkeftî û hejmarek ji malbatan hate lidarxistin.

Cîgirê Hevserokê Komîteya Perwerdê Muhend El-Asaf, bi navê Komîteya Rêveberiya Dibistanan Sumeya El-Ferhan û Hevserokê Navenda El-Cezrat a Perwerdeyê Lamia El- Aîfan di şahiyê de axivin.

Axaftvanan xwendekarên serkeftî pîroz kirin û tekez kirin ku serkeftina beşê perwerdehiyê, tê wateya serkeftina hemû beşan.

Kesên axivîn wiha gotinên xwe domandin:" Em xwendekarên serkeftî xelat dikin, da ku em wan teşwîqî serkeftin û şopandina rêya serkeftinê bikin, her wiha em balê bikişînin ser xwendekarên qonaxa navîn û spasya mamosteyên ku kedek mezin bo serkeftina xwendekarên xwe dane.”

Paşê Rêveberên Komîteya Perwerdê xelat li 200 xwendekarên ji 91 dibistanên xeta Ebû Xeşeb û Cerwan, ji eslê 10100 xwendekarî, belav kirin.

(ekîb)

ANHA