Şerê di navbera çeteyên Tirkiyê de dewam dike

NAVENDA NÛÇEYAN

Navenda Çavdêriya Mafên Mirovan a Sûriyê diyar kir ku li aliyê gundên Helebê şerên giran di navbera çeteyên Nûredîn El-Zinkî yên girêdayî çeteyên Cebhe El-Wetaniyê li aliyekî û çeteyên Heyet Tehrîr El-Şam li aliyekî din dewam dikin. Şer li Kefirnaha û Qibtan El-Cebil û Foca 111 û Cemiya El-Rehal rû didin.

Piştî çend seatan ji kontrolkirina Cemiya El-Rehal ji aliyê Tehrîr El-Şam ve, çeteyên Nûredîn El-Zinkî careke din ew bajar vegerand.

Li parêzgeha Idlibê bêdengiyek li gundên Idlibê tê jiyîn

Çavkaniyên herêmî teqez kir ku çeteyên Cebhe El-Wetaniyê hemû cihên ku ji dest wan çûn li gundên Idlibê vegerandin, çeteyan Meydan Xezal, Şehirnaz, Dîronê, Şîr mixer, Mezra El-Casim, Ceb Silêman, Şolîn, Erînebê, Kersa û Feqî li aliyê başûrê gundên Idlibê û Ceb Şehşbo vegerandin.

Çavkaniyan diyar kir ku çeteyên Cebhe El-Wetaniyê ne tenê ew cih kontrol kirin, her wiha Mera El-Sîn, Neqîr û Xedqê ji çeteyên Tehrîr El-Şam standin û şerek di navbera her du aliyan de pêk hat.

Li aliyekî din jî navenda çavdêriyê ya mafê mirovan a Sûriyê diyar kir ku cihên nû di herêmên bêçek û herêmên agirbesta Rûsya-Tirkiyê de binpêkirin ji nû ve pêk hatin, her wiha hêzên rêjîmê duh êvarê li aliyê El-Letmaniyê, Zeka û Hesriya li gundên bakurê Hemayê bombebaran kirin. Li aliyê El-Naciyê û Bedama gundên bajarê Cisir Şixûr ên rojavayê Idlibê bombebaran kirin û di bombebaranê de tu agahî der barê kuştiyan de nehatin bidestxistin.

(jo)