Greva biçîbûnê ya Til Hemîsê bi dawî bû

QAMIŞLO

Şêniyên navçeya Til Hemîsê ya girêdayî kantona Qamişloyê ji bo piştgiriya çalakiya greva birçîbûnê ya ku têkoşer Leyla Guven a bi armanca rakirina tecrîdê li dijî Rêberê Gelê Kurd Abdullah Ocalan, gerva birçîbûnê orgenîze kiribûn. Di grevê de şêniyan gefên Tirkiyê li ser herêmên Bakur û Rojhilatê Sûriyê şermezar kirin. Greva birçîbûnê 2 rojan dewam kir. bi sedan şêniyên navçeyê tev li grave bûn.

Şêniyên navçeyê îro çalakiya xwe bi daxuyaniyekê bi dawî kir. Hevserokê Meclisa navçeya Til Hemîsê Salih El-Xelef daxuyanî xwend.

Di daxuyaniyê de ev tişt hatin gotin:

'Di demên dawî de hikumeta Tirkiye di serî de Erdogan hemleyek gefa pêkanîna êrîşan li dijî herêmê û şandina hêzên leşkerî li ser sînor dest pê kiriye. Erdogan bi gefên xwe hewl dide herêmê dagir bike, talan û wêran bike û gelê herêmê di serî de gelê Kurd ê ku  pêşengtiya azadiyê û demokrasiyê kiriye qir bike. Her wiha armancên Erdogan ev tenê nîn in lê belê hewl dide qadên ku dagirkiriye berfireh bike û bandorek li Rojhilata Navîn bike.

Wekî tê zanîn armanca Erdogan guhertina hevsengiya li Rojhilata Navîn ji bo berjewendiyên xwe. Tirkiye bi rêya hedefgirtina gelê Kurd û bi taybet tevgerên gelê Kurd, hewl dide niyetên xwe yên dagirkeriyê li herêmê binuxmîne. Lê di rastiyê de armancên dewleta Tirk ji van gefan berfirehtir in û dîroka wê ya Osmanî bi sûcên der heqê gelê herêmê de ji qirkirin, koçberkirin û bi hovantirîn şêwazan îşkencekirin têr û tijî ye.

Tirkiye bi piştgiriya xwe ya bi DAIŞ'ê re hewl dide kîna xwe li gelê herêmê safî bike û hewl dide temenê zihniyeta DAIŞ'ê li herêmê dirêj bike. Tirkiye vê zihniyetê li Idlib, Bab û Cerablusê bi çek dike û rêdike herêmê me.

Divê hemû zanibin ku herêmên di bin dagirkeriya Osmaniya nû de, êdî ji siyasetên dewleta Tirk yên asîmlekirinê, qirkirina çanda herêmê û guhertina demografîk aciz bûne. Ji lew re divê em bi yek milî li hember wan gefan bi rêya orgenîzekirina çalakiyên protestokirinê rabin ser pêyan û bi rêxistinên hiqûqî re têkîliyan deynin heta ku ev dijminahî bi dawî bibe."

Daxuyanî bi berzkirina dirûşmeyên şermezarkirina dagirkeriya Tirk li Sûriyê û tecrîda li dijî Ocalan bi dawî bû.

(şx)

ANHA