Ji bo peydakirina dermanên dayika xwe, di paqijkirina kampê de dixebite

Jina bi navê Delal El-Xalid ji bo peydakirina dermanên dayika xwe, li gel xemsariya rêxistinên mirovî di paqijkirina kampê de dixebite.

18 mijdar, 2018 07:58

ŞEVÎN HESEN / HESEKÊ

Kampa El-Erîşe bi 30 km li başûrê Hesekê ye. Li kampê bi hezaran koçberên Dêrazorê ku ji hovîtiya çeteyên DAIŞ’ê û binpêkirinên wan reviyane, hene. Lê şert û mercên jiyanê û xemsariya rêxistinên ku alîkariyê, rewşa koçberan dijawrtir dikin.

Ji wan koçberan yek jî jina ciwan a bi navê Delal El-Xalid e. Delal 20 salî ye. Dayika wê di nîvê laşê xwe de felc bûye. Li gel xemsariya rêxistinan û pêşkêşnekirina alîkariyan, Delal neçar ma di paqijkirina kampê de bixebite.

Delal destnîşan kir ku dermanên dayika wê di nav kampê de peyda nabin û hin caran bi hefteyan dayika wê derman naxwe û di encamê de nexweşiya wê giran dibe.

Her wiha Delal diyar kir ku destheqê ku werdigire têra dermanên dayika wê nake, ji ber ku pir buha ne.

Delal xemsariya rêxistinan û paşguhkirina rewşa wan rexne kir û wiha got: "Rêveberiya kampê li gorî derfetên xwe alîkariya me dike. Lê rêxistinên mirovî rewşa me paşguh dikin û alîkariya pêwîst pêşkêş nakin."

(şx)

ANHA