Cenazeyê şehîd Hemze li Goristana Şehîd Sêvdar hate veşartin

Bi tevlêbûna bi sedan şêniyên herêma Kerama cenazeyê şervanê QSD‘ê Hemze li Goristana Şehîd Sêvdar hate veşartin.

NÛÇE

28 cotmeh, 2018 16:02

REQA

Bi sedan şêniyên herêma Kerama bi armancaa oxirkirina cenazeyê şervanê QSD‘ê Hatim El-Hisên (Hemze) ê ku di qonaxa dawî ya Pêngava Bagera Cizîrê ya Şerê Tinekirina Terorê de şehîd bibû li Qada Selama kom bûn.

Girseya gel, piştî ku cenaze wergirtin, bi kerwanekî ber bi Goristana Şehîd Sêvdar li gundê Cidêda ve ketin rê.

Merasîmê veşartina cenaze bi deqeyeke rêzgirtin û turaneke leşkerî ji aliyê şervanên QSD û Hêzên Erka Xweparastinê ve dest pê kir.

Paşê bi navê Meclisa Malbatên Şehîdan Ehmed El-Suhêl axivî û sersaxî ji malbata şehîd re xwest.

El-Suhêl, anî ziman ku şehîd li hember dijminên gel bedena xwe dikin mertal da ku gel bi azadî û aramî jiya bike.

Di merasîm de bi navê QSD‘ê Feysel Ezîz û fermandarên Hêzên Erka Xweparastinê Zagors jî axivîn û soza domandina xeta şehîdan û rizgarkirina herêmê ji terorê nû kirin.

Paşê nasnemaya şehîd hate xwendin û radestî malbata wî hate kirin.

Girseya gel cenazeyê şehîd di nava dirûşme û tilîliyên dayika veşartin.

ANHA