Îslama demokratîk mijara civîna li Tebqayê ye

TEBQA

Di çarçoveya amadekariyên lidarxistina Kongreya Îslama Demokratîk a Cîhanî de Komîteya  Civakî û Baweriyan a Bakurê Sûriyeyê civîneke berfirhe li bajarê Tebqayê li dar xist.

Civîn li avahiya Rêveberiya Sivîl a Demokratîk a Herêma Tebqayê bi amadebûna Serokê Partiya Sûriyeya Pêşerojê Îbrahîm Qeftan û Sekretêra partiyê Hevrîn Xelef, endamên Desteya Oldarên Musliman, nûnerên saziyên olî yên Bakurê Sûriyeyê û hejmarek şêx û rûspiyên Tebqayê hate lidarxistin.

Civîn bi deqeyek rêzgirtinê dest pê kir. Paşê Hevserokê Meclisa Zagonsaz a Tebqayê Şêx Hamid El-Ebdulrehman El-Ferec bi xêrhatina beşdaran kirin û peyama Rêberê Gelê Kurd Abdullah Ocalaln ku ji bo Kongreya Îslamî ya Demokratîk a 2016‘an li Amedê şandibş xwend.

Ji aliyê xwe de Rêveberê Komîteya Karûbarên Olî ya bajarê Reqayê Ehmed Arûnî şerê taybet ku ji aliyê pergalên modernîteya kapitalizm ve tê meşandin rexe kir û diyar kir ku çareseriya herî guncaw a têgihştina wateya rast a demokratiya civakî ew e ku îslam ji destê desthilatdaran were derxistin û li îslama serdema hz Mihemed vegerin.

Di civînê de,  Endama Desteya Karûbarê Olî ya Reqayê Buşra El-Hoşê bal kişand li ser rola jin di Îslamê de  û diyar kir ku îslam banga wekheviya di navbera herdu zayendan de û mafê jinan dike.

Serokê Desteya Olî ya Dêrazorê Necim El-Huseyînî jî axivî û anî ziman ku exlaq yek ji stûna rêveberiyê ye, rêveberî jî bingeha pêşketina civakê ye, aloziya ku li hemberî îslamê rast tê sedma xwe tunebûna exlaq û perwerdeyê ye.

Serokê Desteya Olî ya Minbicê jî Elî El-Cemîlî jî di civînê de axivî û li giraniya axaftina xwe da sedemên tundrêyetiya olî û encamên wê û got ev mijar girêdayî wijdanê mirovan.

Serokê Partiya Sûriyeya Pêşerojê Îbrahîm Qeftan jî mijara îslama nûjen girt dest û tekez kir ku Partiya Sûriyeya Pêşerojê ne girêdayî tu olî û rola oldaran di pêşxistina civakê de destnîşan kir.

Civîn bi nîqaşan li ser dozên îslama demokratîk bi dawî bû.

ANHA