Cenazeyê şervanê Meclisa Leşkerî ya Minbicê Ebû Mehmûd hate veşartin

Cenazeyê şervanê Meclisa Leşkerî ya Minbicê Ebdulrehman Mehmûd El-Cafer (Ebû Mehmûd) ê 4‘ê Îlonê di encama teqîna mayînekê li ser riya Cizîrê- Minbicê de şehîdî bibû, bi merasîmekê li goristana Şehîdan a li gundê Hikûmiyê hate oxirkirin.

NÛÇE

6 îlon, 2018 15:48

REQA

Bi sedan şêniyên bajarê Reqayê, tevî endamên Saziya Malbatên Şehîdan, Meclisa Sivîl a Reqayê, şervanên QSD û Meclisa Leşkerî ya Minbicê bi armanca oxirkirina cenazeyê şervanê Meclisa Leşkerî ya Minbicê Ebdulrehman Mehmûd El-Cafer li goristana Şehîdan li gundê Hikûmiyê kom bûn.

Şêniyan di nava bilindkirina dirûşmeyên "Şehîd namirin" pêşwaziya cenaze kirin.

Merasîmê oxirkirinê, bi deqeyek rêzgirtin û toraneke leşkerî ji aliyê şervanên QSD‘ê ve dest pê kir. Paşê ji fermandarên Meclisa Leşkerî ya Minbicê Îbrahîm El-Hemdan axivî.

El-Hemdan sersaxî ji malbata şehîd re xwest û rola şehîdan a di avakirina civakeke azad de anî ziman. El-Hemdan soza şopandina xeta şehîdan da.

Piştî axaftina Îbrahîm El-Hemdan, wesîqeya şehadetê ya Ebû Mehmûd hat xwendin û radestî malbatê hate kirin.

Şervanan cenazeyê hevalê xwe hilgirtin û di nava dirûşmeyan de spartin axê.

(bb)

ANHA