Şaredariyê Fafînê kehrebe gihand gundê Hasîn

ŞEHBA

Di van salên borî de ji ber rewşa şer li kantona Şehbayê binesaziya herêmê hate hilweşandin û gelek gundên herêmê bê av û kehrebe man. Piştî ku herêm ji destê komên çete hate rizgarkirin şaredariyên gel gelek xizmetên xwe dane meşandin. Piştî ku welatiyên Efrînê di encama hovîtiya dagirkeriya Tirkiyeyê û komên çete yên girêdayî wê de neçar man berê xwe bidin herêmê, gelek welatiyên Efrînê li gundê Hasîn ê navçeya Fafînê ya kantona Şehbayê hatin bicihkirin. Bi armanca peydakirina pêdiviyên welatiyan, Şaredariya Gel a navçeya Fafînê jeneratoreke kehrebeyê ji gund re peyda kir.

Endamê komîna gundê Hasîn, Henan Osman got ku kehrebe ji 160 malbatan re û di nava wan de 70 malbatên ji Efrînê hatiye peydakirin û dê kehrebe rojane 6 saetan ji welatiyan re peyda bikin.

Osman got ku lawazbûna di xebatên wan de ji ber paşguhkirina rêxistinên navneteweyî yên alîkariyan e û tevî kêmderfetan ew bi hemû hêza xwe tev digerin.

Şaredariyên gel ên kantona Şehbayê ji bo kehrebeyê ji hemû welatiyan re peyda bikin, xebatên xwe berdewam dikin û jeneratoran ji gundan re peyda dikin.

ANHA