Şêniyên Dêrîkê şehîdekî xwe oxir kir

Şêniyên herêma Dêrîkê cenazeyê şervanê Hêzên Erka Xweparastinê Ehmed Selûm bi maresîmekê li gortistana Şehîdan a bajaroka Til Koçer oxir kirin.

30 tîrmeh, 2018 19:41

QAMIŞLO

Bi sedan şêniyên herêma Dêrîkê bi armanca oxirkirina cenazeyê şervanê Hêzên Erka Xweparastinê Ehmed Selûm ê ku di 24'ê Tîrmehê di dema bi erka xwe pêk di anî, şehîd bû, li pêşiya nexweşxaneya Ş.Hogir ya bajarê Dêrîkê kom bûn.

Girseya gel alên YPJ û YPG, TEV-DEM û Kongreya Star hildan û kerwan ber bi bajrokê Til Koçer ketin rê.

Li goristanê merasîmeke hate lidarxistin û bi rêzgiritinê dest pê kir.

Li ser navên YPG'ê ya Dêrîkê Fermendar Mihyedîn Xêrkî û Meclisa Malbatên Şehîdan a bajarokê Til Koçer Ehmed Seyd Elî axivîn.

Axaftivanan sersaxî ji malbata şehîd re xwestin û soza şopandina riya şehîdan dan.

Piştre endamê Meclisa Malbatên Şehîdan a Herêma Cizîrê Qehreman Mihemed wesîqeya şehadetê xwend û radestî malbata şehîd kir.

Girseya gel cenazeya şehîd Ehmed di nav tilîliyên dayîkan û berzkirina dirûşmayên dilsoziya bi şehîdan re veşartin.

(şx)

ANHA