‘Partiya Sûriyê pêşerojê dê buroyên xwe li hemû parêzgehên Sûriyê vekin‘

EMÎNA ELÎ / REQA

Partiya Sûriyê ya Pêşerojê di 27‘ê Adarê de hate damezirandin. Li gorî rêziknameya partiyê; armanca partiyê çereserkirina aloziya li Sûriyê ye û hemû pêkhateyên Sûriyê di bin yek sîwanê de kom bikin.

Di civîna piştî kongreya damezrîner a partiyê, endamên partiyê diyar kiribûn ku ew ne girêdayîne ti aliyekî ne û dê buroyên xwe li hemû parêzgehên Sûriyê de vekin.

Derbarê mijarê, Endama Partiya Sûriyê ya Pêşerojê Cela Hemzawî ji ajansa me ANHA`yê re got ku Pariya Sûriyê ya Pêşrojê partiya gelan e û ji bo demokrasiyê têdikoşe.

Cela, her wiha destnîşan kir Partiya Sûriyê ya Pêşerojê, hêz, îradeya siyasî û rêxistinî temsîl dike û li dijî her fikirên şofonizîm û nejatperestiyê ye û wiha dom kir."Partiya me bi pirrengiya civakê bawer e û azadiya fikirî, modernîteya demokratîk, wekheviya zayendî, pêşxistina rola jin û ciwanan esas digire."

Cela di axaftina xwe de got ku ew hewl didin buroyên xwe li hemû parêzgehên Sûriyê di nava wan paytexa Sûriyê Şam û dewletên derve vekin.

Ji aliyê xwe ve Endamê Partiya Sûriyê ya Pêşerojê Abdullah El-Eriyan got ku armanca partiya wan aloziya Sûriyê siyasî ne leşkerî çareser bikin û destnîşan kir ku hin alî dixwazin aloziya heyî bi awayekî leşkerî çareşer bikin lê bi ser neketin.

El-Eriyan diyar kir ku partiya Sûriyê ya Pêşerojê ne girêdayî tu aliyan û ev tişt got,"Pariya me partiyeke serbixwe ye. Hemû endamên wê dixwazin bi awayekî siyasî aloziya li Sûriyê çaresr bikin."

Di dawiyê de El-Eriyan got ku pirojeya partiya wan ku bernameyeke aborî, zagonî were dayîn û her wiha hemû mafên mirovan werin diyar kirin û Sûriya bibe dewleteke bi ewle, di nava dewletê de bi yekîtî kar û xebatê bikin û ev tişt anî ziman, "Em hewl didin ku çapemenî bi awayekî azad hemû nerînên xwe belav bikin."

(bx)

ANHA