Cotkaran dest bi çandina tovê pembû kirin

EHMED KEMYAN-HÊVÎDAR HERANÎ / GIRÊ SPÎ

Pembû çandin ji bo şêniyên kantona Girê Spî yek ji çavkaniyên aborî ye û demsala çandina pembû li herêmê destpê kir.

Cotkar her sal nîvê meha nîsanê destbi çandina tovên pembû dikin. Pembû di wextê ku qeşa nebe û asta germahiya hewayê baş be tê çandin. Piştî ku tov tê çandin û avdan di navbera 10-15 rojan de tov şîn dibe.

Piştî wê pembû tê dermankirin û pembû 5 mehan de digihîje aste êdî were komkirin.

Li herêmê pembû yek ji çavkaniyên aborî ne û bi hezaran malbat xwe li ser çandina pembû xwedî dikin. Her donimeke pembû bi 25 hezar LS. tê çandin.

Rolekî jin ê mezin di çandina pembû de heye. Jin ji destpêke heyanî komkirina pembû dixebitê. Ji %90 jin bi çandina pembû re mijûl dibe û mêr jî avdaniyê dike û pembû derman dike.

Welatiya bi navê Ruham El-Ehmed anî ziman ku ew rojê 6 saetan dixebitin, ew rojê hezar LS. digrin û ji saetên sibehê destbi komkirina pembû dikin.

Cotkarê bi navê Hisên El-Mihemed jî anî ziman ku av kême û ew di avdaniyê de gelekî zehmetî dikşînin û got:“ pempeyên avê ku me berê pembûyê xwe pê av dida niha sekinîne, em neçar mane ku bi cenatoran avê ji çem bikşînin û ev gelekî peran dixwe.

Her wiha El-Mihemed diyar kir ku dewleta Tirk a dagirker li ser çemê El-Belîx gelek proje danîne û zêdetirî xwe berê ava çemê El-Belîx dide nava ardên xwe. Her wiha ava çemê El-Belîx ku tê aliyê wan gelekî kême.

(np)

ANHA