Ciwanên Reqayê çalakiya pişgiriya Efrînê didomînin

Çalakiya mîtîngê ya ji bo piştgiriya berxwedana Efrînê ku ciwanên Reqayê dabû destpêkirin, di roja 7ʹemîn de didome.

24 adar, 2018 14:29

REQA - Di roja 7ʹemîn a çalakiyê de gelê bajarê Reqayê, endamên meclîsên herêmî, saziyên bajarê Reqayê, MSDʹê, şêxên êlên Ereb, Meclîsa Jina Sûriyeyê, Saziya Malbatên Şehîdan û QSDʹê amade bûn.

Calakî bi deqeyek rêz dest pê kir. Piştre gelek axaftin hatin kirin, hovîtya dewleta Tirk û bêdengiya navneteweyî hat şermezarkirin.

Piştre saziyên sivîl a Reqayê daxuyaniyeke hevbeş dan.

Daxuyanî wiha ye:

ʺKesên ku li hember êrîşên li ser herêma Efrînê bêdeng dimînin, şirîkên komkujî rijandina xwîna gel in. Li hember hemû kiryarên kuştin û rûxandinê berxwedana gelê Bakurê Sûriyê didome.

Agirê şoreşê bi xwîna şehîdên Berxwedana Serdemê gurtir dibe. Em gelekî ku koletî û bêrûmetiyê qebûl nakin. Em ê riya şehîdên xwe bidomînin heta axa welatê xwe rizgar bikin û armancên cangoriyên xwe pêk bînin.

Em tu carî radestî nabin, em ê berxwedana xwe bidomînin heta welatê me ji dagirkeran tê rizgarkirin. Ev soza me ye.ʺ

Çalakî didome.

(mm)

ANHA