ˋDi kampan de kêfxweşiya cejnan nîn eˊ

Koçberên Serêkaniyê 8 sal e Cejna Qurbanê ligel rewşên mirovî yên zehemt li hundirê kampan pêşwazî dikin. Digel nebûna hêmanên jiyanê yên birûmet û nebûna atmosfêra cejnê êşên koçberan zêde dibin.

Ligel berdewama evan şert û mercan di her cejnê de, şênî banga vegera ewle li war û malên xwe dikin, banga jinûve avakirinê û bidawîkirina zehmetiyan di kampan de dikin.

ZEHMETIYÊN DI KAMPAN DE DIDOMIN

Girêdayî mijarê, koçberê bi navê Ubeyd Cuma yê ji gundê Amiriyê axivî û diyar kir ku rewşa li hundirê kamp pir trajedîk e û got tiştê ew dixwazin vegera ewle li gund û malên xwe ye, ne vegereke bêserûber e.

Cuma da zann ku êdî koçber ji bendemayînê û mayîna li kampan bêzar bûne û hêvî kir ku piştî cejnê vegerin warên xwe. Cuma anî ziman ku digel şert û mercên dijwar dê êdî kêfxweşiya cejnê winda kirine.

DI KAMPAN DE KÊFXWEŞIYA CEJNÊ NÎN E

Koçberê bi navê Ehmed Hisên El Xelef ê ji gundê Lîlan got jiyana li hundirê kampan trajediya herî mezin e û destnîşan kir ku wan salên dirêj dûrî mal û gundên xwe di kampan de derbas kirine.

El Xelef diyar kir ku ew berê bi aştî û ewlehî di nava xizmên xwe de dijiyan, bi malbatên xwe re cejn pîroz dikirin, lê cejnên piştî koçberiyê rojên pir normal derbas dibin û kêfxweşiya cejnê winda kirine.

El Xelef da zanîn ku ew hêvî dikin ku çawa koçberên Efrînê vegerîn warên xwe ew jî vegerin.

BANGÊN VEGERA EWLE Û JINÛVE TAMÎRKIRINA MALAN

Koçber Şêx Elî Hisên ê ji gundê Erîşa got bi demsalên zivistan û havînê re zehmetiyên wan di kampan de zêde dibin û destnîşan kir ku konan temen û tenduristiya wan terxan kiriye.

Hisên anî ziman ku wan xizm, jiyana gundan û têkiliyên hezkirinê ku berê di cejnan de hebûn winda kirine.

Hisên hêvî kir ku bi awayekî ewe vegere mala xwe û bang li rêxistinan kir ku ji bo jinûve avakirina mal û gundên wan destekê bidin.

Li gorî Komîteya Koçberên Serêkaniyê zêdetirî 75 hezar koçber bi hêvî ne, li gorî bendên peymana 29ˊê Çileyê, bi awayekî ewle vegerin mal û gundên xwe.

(fr)

ANHA