Zarokên şehîdan hatin xelatkirin

Ji bo teşwîqkirina zarokan û bi armanca pêşkêşkirina piştgiriya manewî, Rêveberiya Dibistana Kewkeb El Tifûle ya zarokên şehîdan diyarî li xwendekarên dibistanê belav kirin û xwendekarên serkeftî xelat kirin.

Dayikên xwendekaran, rêveberiya dibistanê, endamên Desteya Perwerde û Fêrkirinê ya kantona Reqayê, endamên Meclisa Malbatên Şehîdan, saziyên sivîl û leşkerî ya kantonê tev li şahiya xelatkirinê bûn.

Di şahiyê de hevseroka Desteya Perwerde û Fêrkirinê ya kantona Reqayê Zelîxe Ebdî axivî û îşaret bi rola dayikan di mezinkirina zarokan de kir.

Zelîxe wiha domand: "Ew zarok pêşeroja me ya geş in. Em fedakariyên bavên wan silav dikin ku bi saya wan em li vir li hev civîn û ewlehî li welat pêk hat."

Dûre dayikên xwendekarên serkeftî û mamosteyên dibistanê hatin xelatkirin. Piştre xwendekaran şanoyek têkildarî rola şehîdan pêşkêş kir û gelek stranên zarokan gotin.

Her wiha xwendekarên serkeftî jî hatin xelatkirin.

Dibistana Kewkeb El Tifûle 14`ê Îlona 2022`yan li Reqayê ji aliyê Desteya Kar û Barên Civakî û Xebitandinê ya Rêveberiya Xweseriya Demokratîk a Bakur û Rojhilatê Sûriyeyê ve hate avakirin. 170 xwendekar tê de dixwînin.

(şx)

ANHA