Yekitiya Ewropayê ceza li Îranê birî
Serokê Konseya Ewropayê Charles Michel diyar kir ku Yekitiya Ewropayê biryar daye li ser hilberînerên fuze û balafirên bêmirov ên Îranê cezayên nû bibire.
Roja Çarşemê piştî civîna bilind a lîderên 27 welatên endam a li Brukselê, Charles Serokê Konseya Ewropayê daxuyanî da û diyar kir ku piştî êrişa li ser Îsraîlê biryar hatiye dayin hin pêkanîn li ser Îranê bêne ferzkirin.
Charles Michel got, "Me bi vê biryarê xwest peyameke şênber bidin Îranê."
Serokê Konseya Ewropayê got, "Armanc zexta li ser şîrketên ku drone û fuzeyan hildiberîne ye. "
