Xelkê Dêrazorê bi meşeke girseyî piştgirî da berxwedana Tişrînê

Xelkê Dêrazorê ji bo şermezarkirina êrişên dewleta Tirk a dagirker ên dijî herêmê û ji bo piştgiriya QSDˋê û berxwedana Bendava Tişrînê meşeke girseyî li dar xist.

ROJANE

20 ÇILE, 2025 20:54

DÊRAZOR

Bi diruşma "Em hemû QSDˋê ne û bi parastina cewherî em xaka xwe diparêzin" xelkê Dêrazorê meşeke girseyî ji bo piştgiriya QSDˋê û nobedarên li Bendava Tişrînê li dar xist.

Meş ji pêş avahiya Meclisa Rêveber a herêma Meamil tevî hildana alên QSD, YPG û YPJˋê dest pê kir.

Li çerxerêya Meamil meş vegerî mîtîngê. Li wir li ser navê Meclisa Rêveber a Dêrazorê ji hêla endama Desteya Hevserokatiya Meclisa Rêveber a Dêrazorê Rehme El Elî ve daxuyaniyek hat xwendin.

Di daxuyaniyê de hat diyarkirin ku xelkê kantona Dêrazorê piştgiriyê dide berxwedana Bendava Tişrînê ya ku li dijî êrişên dewleta Tirk a dagirker êdî bûye sembola berxwedanê.

Meclisê di daxuyaniyê de bang li hêzên navneteweyî kir ku destwerdanê bikin û dawî li sûcên dewleta Tirk a dagirker bînin.

Di dawiyê de hat gotin ew ê bi berxwedana lehengên li Bendava Tişrînê bi ser bikevin.

Meş bi diruşmên "Bijî berxwedana Bendava Tişrînê" bi dawî bû.

(fr)

ANHA