Xelkê Cizîrê sersaxî da malbata rêvebera Kongra Star

Xelkê bajarên Dêrik, Girkê Legê û Çilaxa yên kantona Cizîrê sersaxî da malbata rêvebera Kongra Star Şehnaz Omer.

13 ÇILE, 2025 20:31

QAMIŞLO

Xelkê bajarên Dêrik, Girkê Legê û Çilaxa yên kantona Cizîrê li navenda Tevgera Ciwanên Şoreşger a Sûriyeyê ya Dêrikê sersaxî da mabalta rêvebera Kongra Star Şehnaz Omer. Şehnaz Omer di 10ˋê Çileyê de di êrişa balafira bêmirov a dewleta Tirk a dagirker li dijî erebeya wê de li bajarokê Xane Serê yê Dêrikê şehîd bû.

Di merasîmê de hevserokê Meclisa bajarê Girkê Legê Atif Sebrî axivî û got: "Armanca dewleta Tirk a dagirker ji êrişên dijî projeya demokratîk û biratiya gelan û jina azad li Bakur û Rojhilatê Sûriyeyê têkbirina destkeftiyên şoreşa gelan e."

Sebrî wiha domand: "Projeya Rêveberiya Xweser ji bo tevahî pirsgirêkan, şerên li Sûriyeyê û li Rojhilata Navîn çareserî ye."

Sebrî wiha gotina xwe bi dawî kir: "Divê em piştgiriya QSDˋê bikin. Ji ber ku QSDˋê destkeftiyên şoreşa gelan li Bakur û Rojhilatê Sûriyeyê diparêze."

Merasîm bi diruşmên ˋşehîd namirinˋ bi dawî bû.

(fr)

ANHA