Xebata paqijiyê ya li Kobanê dewam dike

Di çarçoveya hemleya paqijiyê ya ku li Kobanê dewam dike de, îro enadmên Hêzên Ewlekairya Hundirîn û YPJ‘ê qadên Jina Azad û Şehîd Egîd paqij kirin.

CIVAK Û JIYAN

28 tebax, 2026 19:48

KOBANÊ

Li bajarê Kobanê hemleya paqijiyê dewam dike.

Di çarçoveya hemleyê de îro qada Jina Azad û qada Şehîd Egîd û derdora her du peykeran ji aliyê şervanên YPJ û endamên Hêzên Ewlekariya Hundirîn ve hatin paqijkirin.

Beriya ku xebata paqijiyê dest pê bike, ji endama rêveber Hêzên Ewlekariya Hundirîn a bajarê Kobanê Arîn Kobanê axivî. Arînê bal kişand ser girîngiya belavkirina çanda paqijiyê di nava civakê de û got: “ 24`ê vê mehê gelê me, bi beşdariya endamên saziyên sivîl dest bi hemleya paqijiyê kirin. Hemle ji dibistanan dest pê kir û îro jî li qada Şehîd Egîd û qada Jina Azad dewam kir.”

Arîn Kobanê anî ziman ku ew ê her demê di hemleyên paqijiyê de cih bigirin û bajêr paqij bikin û ev li axaftinên xwe zêde kirin: “ Peykerê Jina Azad ji bo her jineke Kobanî sembola berxwedanê ye. Piştî ku em vir paqij bikin em ê berê xwe bidin peykerê Şehîd Egîd û paqij bikin."

Arîn Kobanê bang li gel kir ku beşdarî hemleyê bibin.

Piştî axaftinê beşdaran qada Jina Azad û derdora peykerê wî paqij kirin. Li qada Şehîd Egîd jî heman xebat hat meşandin.

(ekib)

ANHA