Tevî êrişên dewleta Tirk namzet bi gel re civiyan

Namzetên Hevbendiya Gela û Jinan ji bo Azadiyê yên şaredariya gel a bajarê Çilaxa hevdîtinên bi gel re didomînin.

Namzetên Hevbendiya Gelan û Jinan ji bo Azadiyê di roja duyemîn de bi şêniyên taxên Selahedîn Qedîm û Selahedîn Cedîd re civiyan.

Di civînan de namzetan hevbendî, armancên wê, bernameya hilbijartinî û girîngiya hilbijartinan şîrove kirin. Her wiha belavokên bernameya hilbijartinî ya hevbendiyê û logoya wê li ser bûn li şêniyan belav kirin.

Li bajarê Hol jî namzetên hevbendiyê heman belavok belav kirin û wêneyên namzetên hevbendiyê yên şaredariya bajarê Şedadê li kolanên bajêr û bajarokên wî danîn.

Namzetên hevbendiyê bi şêniyên gundê Hîmo yê rojavayê bajarê Qamişlo re civiya û belav li wan belav kirin.

Di civînan de namzeta hevbendiyê ya hevseroketiya şaredariya bajarê Qamişlo Bêrîvan Omer armancên hevbendiyê, projeyên wê piştî hilbijartinan û girîngiya hilbijartinan şîrove kirin. Her wiha li daxwazên şêniyan wek çaksazkirina rêyan, peydakirina ava vexwarinê, berfirehkirina avahiyan, rêxistinkirina sûkan û ruxsetên avahiyan, guhdar kirin.

Hemwextî wê jî, dewleta Tirk a dagirker deverên cuda yên kantona Cizîrê topbaran kirin.

(mh)

ANHA

TIL BERAK

HOL

Çilaxa

QAMIŞLO