Şehîd Silêman Yûsif hat oxirkirin

Cenazeyê şervanê Hêzên Erka Xweparastinê şehîd Silêman Yûsif li Pakrewangeha Şehîd Xebat Dêrik hat veşartin.

ROJANE

31 gulan, 2024 20:56

QAMIŞLO

Şervanê Hêzên Erka Xweparastinê duh (29’ê Gulanê) dema erka xwe bi cih dianî li bajarê Dêrikê şehîd bû.

Bi sedan şêniyên bajarên Girkê Legê û Dêrikê yên kantona Cizîrê cenazeyê şehîd Silêman Yûsif bi merasîmekê spart axê.

Girseya gel cenazeyê şehîd Silêman Yûsif ji nexweşxaneya Şehîd Hogir a li Dêrikê wergirt û bi karwanekî erebeyan ber bi Pakrewangeha Şehîd Xebat Dêrik ve ketin rê.

Li pakrewangehê merasîmeke hat lidarxistin. Piştî deqeya rêzgirtin endama rêveber Meclisa Malbatên Şehîdan a Dêrikê Rewşen Ehmed bal kişand ser fedakariyên ku gelên Bakur û Rojhilatê Sûriyeyê di oxira pêkanîna ewlehiyê de dane.

Ji fermandarên QSD’ê Xalid Mihemed jî têkoşîna şehîd Yûsif a di nava hêzên leşkerî de vegot û soza şopandina xeta şehîdan da.

Piştî axaftinan wesîqeya şehîd Silêman Yûsif hat xwendin û radestî malbata wî hat kirin.

Cenazeyê şehîd bi dirûşma "Şehîd namirin" hat veşartin.

(bb)

ANHA